望啊望仔
【圖／李岳哲；文／邱一帆／國立中央大學客家語文暨社會科學學系客家研究博士班】
發音人：邱一帆（四縣腔）
毋知你兜係兩公婆
抑係兩姊妹或者兩兄弟
在街路頭看著你兜一身淨俐
主人用兩條索仔
同你兜牽到身項
無想愛分你兜野上野下
也著啦規定就係恁樣
係放你兜走上走下
毋堵好爽人个東西
抑係毋堵好咬著人
毋知愛仰結煞正好
你兜就乖乖仔
像這下恁樣盡好
毋會去碌人毋好去爽人
毋好去逐人毋會去咬人
就恁樣恬恬仔
目金金仔嘴擘擘仔
望啊望仔望啊望仔
流兜仔口涎水
無要無緊
出兜仔目汁
也無相無干
你兜係轉到屋下
自然有好食有好睡
自然有人同你兜洗身
自然自然
