【文／郭婉宜 (國立中央大學客家語文研究所研一生)】
千變萬化个一片天地，分人料想毋到任何个事物。
啊！又愛變天，共等就落雨來ㄟ，毋到一下仔又出日頭，實在古怪个天時。種个蔬果菜類盡驚个就係恁餒个天時，心血全泡湯，血本毋轉。
逐年一到熱天，後生人盡歡喜，做ㄟ得游水、外出逐種活動，毋過也係盡得人驚个，因為熱天有颱風天，颱風一來，一夜之間什麼都變忒ㄟ，風雨佬風景區、飯店變到河霸，也就係變到阿水伯个地盤ㄟ。
生命受到威脅，一生人打拚就因為天意全全冇ㄟ！天做得分恩一夜致富，一夜冇錢。假使做得分恁選，恁一定選做天啊！
不過，其實做人難，做天罕啊難，有人愛落水天，有人愛日頭，做天愛仰般分咧？
想到介年个九二一大地動，罕等人驚！防不勝防，自家仰ㄟ死个就毋知唷！風雨罕做得防範，盡量ㄟ佬損失降到盡低。只愛命罕在，什麼就罕有機會，人家說：留等青山在，毋驚冇柴燒。
天有毋測風雨，事事就難預料，恩哩兜就毋愛想恁多，一切就隨天意！
