聽字个歷史源流
【文／范文芳／國立清華大學中國語文學系退休教授】
發音人：范文芳（海陸腔）
一、字形結構个討論
1.直心為悳，心思正直係德字个原型。
2.行路正直為德，從行路引申到為人，言行正直為德。
3.從德到聽，字形上從行路變做耳聞，聽聞聖賢長輩个教訓就係德。
4.聽係會合耳、直、心三文成字，係會意字。
5.在聴个基礎上加上聲符廷，就變成形聲字聽。
6.現行中國个簡化字，聽字寫成听。
二、字音个討論
1.廷，廣韻唐丁切，平聲，聲母為定，壬廣韻如林切，平聲，聲母為日。用現代標音，挺音{ting}，壬音{zim}。
2.從直到德，字音都係入聲，台客語音{chit} {det}，台福語音 {dik}。
3.聽字个字音，廣韻他丁切，聲母為透，韻母為青，客語音{tang}{ten}陰平調，台福語{tiann}陰平，台華語音{ting}陰平調。
三、字意个討論
1.聽字本意為用耳接收他人或他處傳來之聲音、信息。
2.在漢文化个內涵底肚，聽話衍生乖巧、順從个含意，從語言能力變成品性禮規。
3.漢語常言不聽老人言，吃虧在眼前，聽話、順從係平民、晚輩个禮規。
4用現代社會个人文觀念來討論，聽接收訊息，辨別其真假、優劣、美醜个能力。
四、感想
漢字用象形初文，組成會意、形聲个合體文字，今日个繁體字聽，結合表意个三隻文直、心、耳，加上表音个初文廷，變成形聲字聽，其深層含意，有耳、目、心等感官愛辨別接收著个信息，其中个真假、美醜、優劣。
簡體字寫做听，表意个初文心、目、耳、行全部放棄，形符從耳改為口，再來，表音个廷改做斤，其實漢字斤、廷兩字不同音韻，故所簡化字只簡少筆畫，但是完全違反了漢字个形、音、意結構。
