崁頭屋个鐘聲
【文／黃子堯】
發音人：黃子堯（四縣腔）
一大早
傳來一聲又一聲象山个鐘聲
民間製作个台灣第一座孔廟
孔夫子帶等讀書人
對山腳下到山頂高
愛來四書五經
愛來吟詩作對
象山頂高个三恩主
聽著詩歌个吟唱聲
起勢愛來扶鸞降筆
問神求福个人家盡多
天下間个災難年年有
上天落地个神明盡知
想辦法愛來保庇𫣆个土地
老田寮茶阿蠻仔出名
茶香傳過一莊又一莊
明德水庫个山水阿蠻仔出名
阿哥阿妹來這片露營搞生趣
人講崁頭屋个聲調有情有義
人講崁頭屋个光景有起有落
詩詩文文歡迎大自家
共下來遶尞 ------
註: 苗栗頭屋鄉舊稱「崁頭屋」，「象嶺鐘聲」係頭擺苗栗八景之一。「玉衡宮」主祀三恩主，庇佑地方大眾。
