扌帣手
【圖、文／張瑞珍／新北市中正國小客語兼任教師、退休教師】
這是我們從小生活長大的三合院，一家人和樂融融，
父母勤儉持家給我們最好的身教。
發音人：張瑞珍（海陸腔）
「喂！麼儕愛跈亻厓去菜園摘菜？」阿姆擐等一個大籃仔喊。
「亻厓！亻厓！亻厓！」從細俚四姊妹總係相爭愛跈阿姆去做該做這，像去田肚摘地豆米、䌈禾桿，在灶下擇菜、洗菜、挼粄圓、包菜包等等……。阿姆總係阿腦俚做到又遽又好，俚也做到當歡喜，扌帣手做事變成生活个一部分。人講：食東補，食西補，毋當食苦補，從細培養摎人扌帣手个習慣，係亻厓日後無形个資產。
攝於新竹縣新埔鎮旱坑里老屋
過年過節，菜包是最常做的客家粄，菜包裏有蘿蔔絲、蝦米、肉絲等，
我們孩子們都會搶著幫忙包，有時會自創不同形狀，非常有趣。
世上麼个花最靚？係人心肝肚醹醹个愛心花一等靚，從細就看着阿爸、阿姆常透去摎村肚做好壞事个家庭扌帣手，平時阿爸、阿姆熱心助人，所以爺哀過身該下當多親戚朋友鄰舍自動來屋下扌帣手，搭布棚、煮食、做老人衫，送老人家出山等等，實在分亻厓當感動，人講：送人鮮花手留香，分人好話心留甜，亻厓愛講啊：摎人扌帣手心燒暖哦。
攝於新竹縣新埔鎮旱坑里老家
過年過節拜拜，一定會有一道豆干做的菜，因為客家話豆「干」的
發音和升「官」的發音相同，意在希望子孫各個升官發財。
這下个家庭大部份斯降一、兩個細人仔，個個係爺哀个心肝肉，自私合毋跈眾，動啊著斯冤家羅債，亻厓係一個退休先生，亻厓常常摎細人仔講，愛有好人緣，斯愛做一個會摎人扌帣手个人，這下个工商社會乜共樣，無法度麼个都自家做，一定愛摎別儕相互扌帣手，亻厓會帶學生仔去孤兒院、老人院、植物人安養院，分細人仔體會服務別儕，摎人扌帣手个快樂滋味。
人講：「好貓管千家，好人為大家」，台灣哪位斯看得著笑容滿面摎人服務个志工，像學校、捷運站、醫院、環保站、政府行政單位等等，這幾年疫情使到社會無安無樂，人摎人之間變到冷默忒去，毋過有一群醫護人員摎志工，無顧自家生命，著等一層又一層个隔離衫，無日無夜為著染疫病人來照顧，實在恁感心，難怪外國人講俚台灣最靚个係人情，受着爺哀个影響，亻厓也係一个從小斯盡好摎人扌帣手个人，做志工等等。老公常常笑亻厓講：「你實在係戇仔，食自家做別儕个事情，還做到恁歡喜。」亻厓摎佢講：「亻厓賺歡喜啊！亻厓乜學習到盡多事情，像亻厓這下會裁會剪會繡花，會除會算會當家，麼个都會做，幾好呢！」
大家有緣來相會 就係世上有緣人，假使俚做得時時培養摎人合作、𢯭手个好習慣，發揮大手牽細手个團結好精神，相信儕儕个生活一定係花開滿園自然香，這個社會一定係和挼快樂个。
