《大海裡肚有麼个？》
【圖、文／賴文英】
1. 海洋生態繪本，符合聯合國永續發展目標（SDGs）第十四項：海洋生態，主要係保護摎永續利用海洋，還過海洋資源。
2. 海洋生態繪本，符合《十二年國民基本教育課程綱要》議題融入，除忒海洋教育重要个議題，還融入環境教育、家庭教育、生命教育、戶外教育、多元文化教育、原住民族教育、國際教育、科技教育，還過閱讀素養教育這兜議題。
3. 內文融入客家文化个特色，包含師傅話、童謠、海客文化、海洋生物个安名特色。
4. 內文透過簡短个一問一答，分學習者沉浸在語境當中，自然對話。
5. 內文用詞摎前後文連結性強，在一問一答之中，分學習者做得自然重覆練習語詞摎句型；有重覆性个句型，也有設計無共樣个句型，多元又簡單，乜做得另外拉出來做句型練習。
6. 圖用工筆畫繪製，有藝術性；文有知識性、客家性、文化性、在地性，海洋議題个國際性；落尾另外有十二隻思考性个問題，對簡單到深入，做得分學習者思考，也做得做進階客話个練習。
