有關弗字个討論
【文／范文芳／國立清華大學中國語文學系退休教授】
發音人：范文芳（海陸腔）
一、從字形結構來看其本意
1.古文弗字，將幾枝箭，用索兒捆綁起來，有矯正拉直个意思。
2.從漢字个結構來看，弗字指事字。
3.從語法个角度來看，弗字做動詞來用。
4.說文解字解釋為矯正。
二、從語法个角度看弗字个字義演化
1.弗字原來動詞，有矯正、拉直个本意。客話講將竹弗直來，就係將竹竿矯
正使得又正又直。
2.動詞本意延伸為去做動作、做事情个意思。客話形容做了整天个工作，講弗了歸日个工夫。食飯弗了歸大碗。
3.漢語語法，常借弗字為虛詞，表示否定語氣，同不、勿、無、毋等字用法相
同。客語比較不用弗為否定詞，習慣上，客語常用毋為否定詞，例毋係、毋著、毋好。
三、從語音个角度來看弗字
1.廣韻弗字，音分勿切，聲母為非類，台福語音{hut}陽入調，台客語音{fut}陽入調。
2.客語有種講法常用在動詞，做一件事情或者食飯，比較粗俗个講法用弗。
3.漢語系統習慣用佛字，音譯梵語Buddha，漢字寫佛陀，台華語音{fo}陽平
調，台福語音{hut}陽入調，台客語音{fut}楊入調。
4.台語還有一種語音，用弗當動詞用，意指糾正拉直，台福語音{hut}陽入調，
台客語音{vut}陽入調。
四、感想
台灣个福老同客語，在弗字个字音、講法，有相同个地方，只不過反映在字音方面，客語有f/v聲母，台福語有h/w聲母。
有關用漢字書寫台灣客話，個人建議：
1.將彎个東西弗直來，用字个本意，音{vut}陽入調。
2.用大口食東西，用咈，音{fut}陽入調。
3.人修道成佛，用佛，音{fut}陽入調。
4.用力做事，用拂，音{fut}陽入調。
5.漢字个結構理論，弗字係象形兼指事字，拂、佛、咈三字都係形聲字，形符分別為手、口、人，有區别字意个功能。弗聲符，故所佛、咈、拂三字同音。
