行讀三叉河
【文／黃子堯】
發音人：黃子堯（四縣腔）
行入三叉河
來到街項刻佛仔个所在
大佛仔、細佛仔歸條路
這下安着木雕一條街
上上下下个鄉親朋友
來看木雕博物館
大人細子共下愛來刻樹頭 -----
行入三叉河
來到十六份个地方
這片有臺灣盡高个火車頭
勝興客棧一條路
靚靚个細阿妹、細阿哥走上走下
鐵枝路、過山窿
大人細子共下來遶舊山線 -----
行入三叉河
來到舊山線走過个所在
頭擺關刀山大地動得人驚
龍騰斷橋
變做一條線个奇妙風光
大人細子看過來、看過去
共下愛來這片敨大氣 -----
註：三叉河係苗栗三義个老地名，十六份係勝興村个老地名。
