蝶仔蘭
【圖、文／邱湘芸／客家語文暨社會科學學系】
發音人：邱湘芸(海陸腔)
【客語新詩組佳作】
在細孲仔還吂出世該下
蝶仔蘭斯在廳下
風神个展示佢靚膩膩个膴身
屋下滿哪仔都係佢噴香个香味
大家最好个蝶仔蘭
好厥花啦嗶啵个色目
毋過無半儕人記
係一位婦人家
日日跋起跋落照顧佢
正有一百分个標準
鼻到佇毋著个婦人家
成時會摘幾蕊花放在屋下
合合歸屋个味
嗄會知分人棄嫌
家官屌嗄這心臼毋成人
家娘噥哢這心臼還發冷
無人知婦人家講毋出來个愁慮
細孲仔出世後
蝶仔蘭个味又加勢香
實在耐毋得个婦人家刻定
佢有時有日愛行開屋下
抹忒歸身花香
回到頭擺無味个膴身
