阿公去哪
【圖、文／林以晴／客家語文暨社會科學學系】
發音人：林以晴（海陸腔）
【客語新詩組第二名】
目珠合等
想愛想起來阿公摎亻厓講過麼个
想愛想起來阿公渡亻厓去過哪位
想等等一下就會聽著阿公開門个聲
聽著阿公喊亻厓食點心
三，二，一！
目珠擘開
看等阿公个相片
想等有麼个事情還吂摎阿公講
想等有哪兜所在還吂渡阿公去
想等阿公，你去哪位了
得獎感言：
首先想愛感謝評判先生分亻厓這個做得摎更加多个人分享作品个機會，乜感謝系項辦這比賽，分亻厓兜有機會用客語來創作，還希望自家做得繼續好好感受生活中个事情，來累積寫作个想法，繼續創作、用文字來表達自家个情感。
這係一篇在夢醒後，想到阿公摎亻厓共下个回憶以後寫出个詩，在阿公過身前，亻厓毋識摎佢講客，就想等借等這擺个機會，用佢最熟事个語言，寫亻厓對佢个思念。
