襯字在台灣客語个用法
【文／范文芳／國立清華大學中國語文學系退休教授】
發音人：范文芳（海陸腔）
一、字形結構个討論
1. 襯字，說文解字無收錄。玉篇衣部謂近身衣。
2. 意符衣，表示襯字本意同衣服有關，原意重在陪襯、襯托。
3. 聲符親，除表音之外，兼表近意，襯係形聲兼會意。
二、字意、構詞个討論
1. 襯衣，襯裡，本係名詞。
2. 陪襯、襯托、幫襯，係當動詞用。
3. 台灣客語有生動、特殊个用法，像：
協助、幫助他人，客話講襯手。
跟隨眾人之行，客話講襯眾。
莫去附和無聊个行為，客話講毋好核卵襯脧碰、莫襯佢。
三、字音个討論
1. 廣韻，襯字初覲切，臻攝震韻去聲，初聲母。
2. 台華語音ㄔㄣˋ，客語音，竹客音tenˇ，苗客音ten。
四、語法个討論
1. 台華語常用襯衫、襯托、幫襯、陪襯等語彙。
2. 台客語常用襯眾、襯手。
3. 台福語無用幫忙意个襯，意近鬥腳手、鬥幫忙。
五、結論
所以𠊎俚結論係講，𠊎俚講莫襯佢、𠊎俚愛襯眾，𠊎建議用這隻衣字片个襯字，就係𠊎俚客話講个tenˇ字。
