逆子轉變為孝子
【文／薛常威／國立中央大學客家語文暨社會科學學系在職專班碩士生】
在前一篇「百善孝為先」的文章裡，故事進展到逆子丁蘭受到啟發而痛改前非。如果說接下來丁蘭就開始孝順娘親，那故事就太單調了。所以在這裡劇情出現反轉，因為丁蘭過去長時間的虐待，導致後母盧氏非常害怕丁蘭，一天盧氏因為懼怕被毆打而跳崖而死，雖然丁蘭立刻跳下崖救人，卻只找到一隻木屐。丁蘭痛心不已，於是將木屐刻上盧氏名字，每日祭拜，更勸化世人，應該及時孝道。
家僕：二少爺，尋無人呢？
志成：附近就尋遍了。
表弟：敢有影？
志成：大少爺，你做麼个，跌落該水竇肚
家僕：後生頭家。
丁蘭：阿姆，阿姆送飯來分𠊎食。佢誤會想講𠊎愛罵佢打佢，佢就走分𠊎追，佢就跳落崩崗死囉。
表弟：敢有影？阿姆啊。
家僕：你呀，你仰恁樣形，恁不孝。
丁蘭：𠊎知𠊎不對，𠊎跳下落水，尋無阿姆个屍首，斯有尋着厥个一隻鞋仔，木屐所做，今這後，𠊎愛將這木屐，摎佢刻名。早暗三餐，𠊎就會摎佢祭拜，請你大家原諒𠊎吧。
表弟：原諒，原諒兩字你講得出嘴無？阿姆因為你死了。你過再摎佢刻木又乜無效。你細細个就無阿姆，佢仰般養大你？
丁蘭：𠊎知𠊎毋著了。打𠊎罵𠊎就無相干。你愛打𠊎，𠊎也毋會還手。斯請你大家原諒𠊎吧。
志成：𠊎想丁蘭從細可能趁阿爸出外收租。阿姨做二娘盡難為，毋知愛把，愛打，也愛勸。怪就愛怪丁蘭，你自家毋會想。怪著厥二娘，較偏差，較惜厥表哥。造成心不平，正會對𠊎阿姨恁反感，這就係冤孽。莫不是人講，你失去二娘，表哥失去阿姆，𠊎係孤兒。𠊎願意留在這丁家永永遠遠為奴。總講一句話：十惡一赦有好改，十赦一惡永遠就改不了。你這下知你錯，知你差，從此以後，你愛勸化世間人。爺娘畜子辛苦，爺娘想子長江水，子想爺娘擔竿長。
丁蘭：所有个事情𠊎已經見知了，𠊎馬上將這木屐前去丁府。
表弟：𠊎姆嫁落佢丁家，生係丁家个人，死係丁家个鬼。分佢个後輩，看係樣般个下場。
志成：望佢從新做人，孽障，丁員外厥个單丁子。
1. 崩崗ben24 gong24：懸崖。
2. 十惡一赦有好改，十赦一惡永遠就改不了：意指即便以前再怎麼為惡，只要肯悔改，給機會，就有可能變好。
3. 爺娘想子長江水，子想爺娘擔竿長：父母關心子女就像長江水一樣長，子女卻很少關心父母。
4. 單丁子dan24 den24 zii31：獨子。
