百善孝為先
【文／薛常威／國立中央大學客家語文暨社會科學學系在職專班碩士生】
傳統的農村社會非常強調孝道的重要，這種價值觀也常會在戲曲表演中出現，孝子總會得到好報，而不孝的人會得到懲罰，或者最後會因為某些啟示而痛改前非，成為大孝子。「丁蘭刻木」這齣戲裡，丁蘭起初是個大逆不道的不孝之人，但在劇情進展到後期出現了轉折，他遇見了小羊跪地喝母奶，跟因為家貧賣兒來照顧婆婆的婦人。丁蘭受到刺激而轉變成為大孝之人。
丁蘭：這位大哥，你到該趕羊係無？
牧羊人：著啊，𠊎逐擺在這山肚趕羊仔啊？
丁蘭：在該趕羊仔，𠊎感覺盡奇怪，該羊仔愛食母羊个乳，做麼个愛兩腳跪等。
牧羊人：係𠊎若無講，你就毋知。你若愛問，𠊎斯講較清楚兜仔。你嗄毋知，十二生肖，就是羊仔尚有孝(河洛話)，這羊仔，佢乜知阿姆懷胎，愛降佢个時節，這片蹬過來，該片又橫過去。係地泥無空，有空佢斯鑽落去。佢恁辛苦摎佢降出來，雖然這羊仔毋會講話，但是佢乜有人性，佢愛食厥姆个乳，哪有恁簡單，斯愛兩腳跪落去，無像這下个人哪，人還有人性，恁冤枉得着，比這羊仔還較壞，阿爸阿姆恁辛苦畜佢，佢毋知好命，講較壞聽兜仔，人比這禽獸還較比不得囉。
丁蘭：原來，羊兒就知孝道个道理，愛食羊乳，就愛雙腿跪落去。哎呀，該片有一個婦人家過來。
村婦：賣子喔，賣子喔。
丁蘭：這位大嫂，妳講妳愛賣子，這細人敢係妳降个？
村婦：係𠊎降个。
丁蘭：係妳降个，做麼个愛摎佢賣忒咧？
村婦：因為家庭貧苦，𠊎个家娘無好食，營養不良，又無牙齒，𠊎不得已就來賣子賺錢來摎佢撫養啊。
丁蘭：聽妳在該講，妳个家娘無牙齒，就愛食人奶，若个人乳分若个家娘來食，若个嬰兒仔就無好食，所以妳正愛摎若个子兒賣忒係無？
村婦：係，請問大哥，妳麼个名？
丁蘭：這位大嫂，𠊎名喚丁蘭。
村婦：你名喚丁蘭？丁蘭就係俚村肚最不孝个人，呸呸呸。
1. 逐擺dag2 bai31：每一次，時常。
2. 蹬dem31：用腳踩踏。
3. 橫vang11：直立的物體倒下去，或指躺下身。
