反差帶來的幽默感
【文／薛常威／國立中央大學客家語文暨社會科學學系在職專班碩士生】
戲劇表演中常利用劇中角色身分及其行為表現的反差來製造笑果，在客家戲曲中也是如此，例如一個老人家行為舉止表現得像個小孩，就是一種反差。
在這一段演出中的黃公子，他是有錢、大戶人家的公子還帶著一個家僕，他沒有表現出一般人期待的知書達禮，相反的，他表現出好色，沒學問，貪小便宜。偏偏帶在身邊的家僕也智慧不高，一搭一唱就顯得特別好笑。
黃公子：愛兜較大杯兜仔，毋好兜該一息息仔，毋罅喔。
黃公子：屙尿無洗手，手緊伸過來。
家丁：你自家拉个喔。
黃公子：恁燒。還釅。
文瑞：敗勢。
黃公子：無相關。
文瑞：有熝着無？
黃公子：有熝着皮，無熝着LP啦。你講麼个？盤恁細啊，盤細無相干，用碗公。
文瑞：𠊎講敗勢。
黃公子：敗勢係也，耳聾啦。
家丁：晝囉，肚屎枵囉，愛轉去食飯啊？
黃公子：𠊎拿錢分你買。
家丁：愛拿錢分𠊎買，今你仰形撈？
黃公子：且姆佢，撈錢啊，𠊎摎你講，這下社會當得人驚，褲袋淺淺，一下就分人夾忒去。所以𠊎个褲恁長，錢袋落去，放裡背肚，愛拿手愛長。
家丁：撈毋出來係呀？
文瑞：唉喲，同學，緊撈錢撈到恁辛苦？𠊎摎你講，此刻已經晝了係無？肚枵，𠊎準備一桌好酒好菜，招待你。
黃公子：敢有影？
文瑞：有影。
黃公子：該講分人請，𠊎無第二句台詞，𠊎專家分人請个啦，請人𠊎斯無喔。
文瑞：坐等來，坐等來。
黃公子：坐等來哇，你講話恁笑科，該坐等來，食麼个，食桌仔係無？
黃公子：唉呦，害𠊎想雞肉便便，桌仔去咬，唉〜
文瑞：毋好恁樣形，𠊎摎你講，你坐等，𠊎自然會準備好酒好菜，𠊎屋下無灶下，𠊎有辦法。
文瑞：一變二變，酒菜出現。
黃公子：唉喲，正經咧，還得人驚喔，該葫蘆咘下出來酒菜，該毋知係化學个無？(對家丁) 摎你講，你係奴才个命，你先去食，係食到死，無相干，毋好怨嘆。
家丁：喔〜麼个𠊎食到死毋好怨嘆啊？
黃公子：該你恁歪命做奴才做一生。食着好食，報分𠊎食。
家丁：好，𠊎來食。唉喔，雞髀呢~~
黃公子：好食無？
家丁：好食，好吃(華語)。
黃公子：有影係呀？食着好食，斯好閃開。上面蹶蹶哇，喊你食食看仔講。
家丁：你喊𠊎食个喔？
黃公子：仰恁會煮，該雞髀像鴨髀共樣。毋係雞髀啦，像香腸(華語)啦。(轉海陸腔對台下觀眾講)阿伯姆，下擺愛買香腸正摎這間屋交關，又大支又長，算你又便宜。
文瑞：來食來食，食酒。
家丁：仰無愛坐凳仔？
黃公子：話吂講忒斯喊𠊎坐凳仔，該斯𠊎有糖尿病，腳骨軟軟無麼个會行，唉，你逐擺摎𠊎漏氣呢？
1. 兜deu24：端。兜菜。
2. 一息息仔id²xid⁵xid⁵e³¹：一點點、一些些，形容極少。
3. 熝lug5：熱、燙。
4. 且姆佢kia53me53gi53：本字不明，暫用此三字。罵人的發語詞，有指責人不懂事，不知好歹的意思。
5. 夾giab5：從上下或左右使力，使中間的物體受鉗制而不動。
6. 雞髀gie24bi31：雞腿。
7. 上面蹶蹶song24mien55kied5kied5：形容小孩子很頑皮、耍賴不聽話。上，本字未定，從俗暫用。
