喜劇人物的表現方式
【文／薛常威／國立中央大學客家語文暨社會科學學系在職專班碩士生】
戲曲表演中，主要是藉由各個角色之間的互動、對話來推動劇情的進展。包括人物的荒唐的個性，故事的笑點，也是依這種方式來呈現。
這一段是說自以為了不起的黃公子帶著傻愣的家丁前去拜訪昔日同窗崔文瑞鬧出的許多笑話。像是把人的名字倒著念，愛說不標準的國語，說是因為老師愛才導致他留級，覺得應該是長得帥的自己取到老婆才對。
黃公子：到吂啦？
家丁：到了啦。
黃公子：這間，𠊎試看。
家丁：你試看。
黃公子：有門牌係呀？
家丁：有門牌啊。門牌看着吂？
黃公子：這門牌仰會無共樣？
家丁：仰會無共樣。
黃公子：文，瑞，崔。
家丁：唉喲，顛倒唸了啦。
黃公子：唉喲，面頂讀下來，害𠊎嗄顛倒….摎佢喊，講同窗个來了。
家丁：喂，裡背肚个，你个同窗來囉。
文瑞：𠊎个同窗來？出外看。
黃公子：哈，你好，好久沒有看到了。
文瑞：毋係啊，你个國語講到恁毋正，又好講，講麼个啊。
黃公子：𠊎國語講毋正？𠊎讀書比你讀較久哩。𠊎係東京阿美哩卡神經大學畢
業个呢，𠊎講國語毋正啊？
文瑞：你讀比𠊎較久𠊎知啦，𠊎升二年生，你就落第繼續讀一年生。
黃公子：先生惜𠊎，毋盼得𠊎畢業，過摎𠊎留學。
文瑞：係恁樣形喔。
黃公子：恁久無看着。
文瑞：同學，恁肯行，落來坐落來坐。
黃公子：𠊎話着佢愛喊𠊎這企。
家丁：公子。
黃公子：恁絕，該地泥仰會恁滑。拜託你企過來好無，恁無禮貌。
家丁：好，𠊎企過來。
黃公子：你个地滑摎𠊎个地滑無共樣，這做麼？
文瑞：打蠟。
黃公子：打蠟係麼，唉喲。
文瑞：細義喔，恁樣較滑，恁樣可以盡光，較派頭。
黃公子：這毋係你个地泥下打蠟，𠊎無腳底皮啦。
文瑞：坐等，坐等。
黃公子：死奴才毋會扶等𠊎啊？
家丁：𠊎就扶等你啊。
黃公子：講著吼，實在還久無看著，哪久發恁大「粒」个財。
文瑞：毋係恁大「粒」啦。
黃公子：毋係啦，發恁大个財啦。
文瑞：討着好妻子，摎𠊎庇佑啊。
黃公子：蛤？你恁樣形也有人愛喔？老同學，你生來土，摎𠊎比實在斯爭還多
啦。大家就愛看𠊎个面啦，你仰般討有餔娘，𠊎正討有餔娘喔？
文瑞：係啦，你較緣投，𠊎知啦。同學你仰會恁肯行，來到𠊎屋下呢？
黃公子：恁肯行？恁久無看着乜。
講乜有幾下句話了，嘴乜燥。該種个，無茶好食，去買。
家丁：買涼个？好啦好啦。
文瑞：唉喲，同學，你嘴燥係無？
黃公子：係啊。
文瑞：來到𠊎屋下，麼个還愛分你花錢个道理囉。你等一下，𠊎喊𠊎个餔娘兜
茶來請你就好了。
吂mang55(海陸)：未及、尚未。
面頂mien11dang24(海陸)：上面。
毋盼得m11pan55ded2(四縣)：捨不得。
爭zang24(四縣)：差異。
嘴燥zoi55zau24(四縣)：口乾，口渴。
