|
發音人：邱鴻春（海陸腔 桃園楊梅）
【文／施宛伶】
2022中大客語文學暨客語歌曲創作獎 客語新詩類 第一名
大家越來越懶骨，你有看着無？
水毛仔越來越粗，你有看着無？
𧊅仔在水窟涉水，搣到鞋濕濕。
鳥仔在天頂走毋掣，涿到翼胛潦潦。
這係麼儕在該作怪？
啊！原來係春天呢！
𠊎看着咧！落水過後，外背出虹：
𠊎看着咧！蟲䘆䟘床，蝶仔摘花。
一色青天，日頭燒暖。
這叢老樹仔又必筍咧！看起來像水紅色个星仔；
中大湖脣頭个櫻花係水紅色；
細妹仔个面頰卵也係水紅色。
𠊎、你、佢摎恁靚个草坪，
東風吹來，全部係新娘色个味道。
發音人：施宛伶（海陸腔）
|
|
|
|
|
