人神殊途，終須一別
【文／薛常威／國立中央大學客家語文暨社會科學學系在職專班碩士生】
在傳統戲曲故事裡，不論劇情中遇到多少艱難，故事的最後一定都還是會讓好人或孝子能脫離苦難，得到好報。在這齣劇裡，男主角文瑞孝行感動天，於是天帝讓女兒世珍下凡來與他結成一百天的夫妻，來幫助他。無奈人、神終究不同，無法白頭偕老，共度一生。但是至少還是安排了一個讓人安慰的結局，有位跟世珍一模一樣的女子會來照顧文瑞。
這段夫妻別離有不少婉轉表達夫妻情愛依戀的話語，「假使講，有時間个話，𠊎會偷偷下凡而來，在這凡間所在來尋你啊」，「以後，若係中秋佳節，𠊎會看清楚月光，無定著就係妳喔。」這裡也出現了一些用來表現女性溫柔迷人的客家語詞，像是「使嬭」、「嬌你」，精確表達夫妻倆人依依不捨的情感。
世珍：文瑞，𠊎轉來了。
文瑞：妳轉來係無？
世珍：係呀，大人个事情，𠊎尋人講清楚，從今以後，佢毋會尋你个麻煩。啊毋過，有一件事情愛坦白對你講。
文瑞：誒〜恩俚係夫妻，有麼个事情，你直說無妨啊。
世珍：既然恁樣形，𠊎坦白摎你講，文瑞，𠊎張世珍非是普通之人。
文瑞：妳毋係普通个人？𠊎聽毋識呢？
世珍：白話摎你講，𠊎算將天庭个仙女。
文瑞：妳係仙女下凡喔？該妳係仙女，𠊎討到仙女，𠊎會仰般？
世珍：毋會仰般。係因為在天庭看著你母子非常衰過。同情了你，所以犯了天規，下凡而來。講𠊎世珍摎你結一百天个公婆。所以𠊎正下凡而來，摎你結成夫妻。
文瑞：一百天啊。
世珍：著。
文瑞：一百天，一百天个夫妻定喔？該一百天以後呢？
世珍：𠊎愛回轉天庭而去啊。
文瑞：啊〜妳摎𠊎公婆个緣分斯恁淺。該妳當初仰會恁樣欺騙𠊎个感情。今這下，𠊎感情做盡放落去，妳正恁樣摎𠊎講。該妳放𠊎一個，𠊎下二擺愛仰般啊？
世珍：文瑞，你放心，雖然你對𠊎有心，係真心，𠊎能得了解。也毋過𠊎走忒了後，𠊎有摎你配了夫妻，一個楊小姐，佢个模樣摎𠊎生做一模一樣啊。又賢慧，你若係討著佢，佢共樣會真心對待你啊。
文瑞：楊小姐喔？
世珍：無毋著。
文瑞：摎妳生到共樣？
世珍：貌似相同。
文瑞：心肝像妳恁善良。
世珍：乜共樣。
文瑞：像妳恁會使嬭。
世珍：恁會嬌你，恁會惜你啦。
文瑞：恩俚夫妻个感情就一百日定，妳馬上愛回天庭。妻啊〜妳係仙女，在那天上，看得著𠊎，𠊎看毋著妳。妳愛想𠊎，妳知無？
世珍：你放心，假使講，有時間个話，𠊎會偷偷下凡而來，在這凡間所在來尋你啊。
文瑞：好，𠊎就聽妳个話。以後，若係中秋佳節，𠊎會看清楚月光，無定著就係妳喔。
世珍：該無定著，啊毋過，一百天个時間還吂到。吂愛分婆婆知，免得老人家佢會傷心啊。
文瑞：𠊎知。我妻啊~~
世珍：我夫啊~~
1.衰過coi24go55：可憐。
2.做盡zo55qin55：全部。
3.使嬭sii31nai24：撒嬌，女性表現出迷人的樣子。
4.嬌gieu24：令人憐愛的姿態。例如「做嬌」是指憑著對方的寵愛而肆意做出任何的嬌態。
