弄巧成拙
【文／薛常威／國立中央大學客家語文暨社會科學學系在職專班碩士生】
「遊白樓」這個故事裡，何公子跟媒婆設計由俊美的表弟代替身體殘缺的何公子去白家提親，沒想到弄巧成拙，雖然媒婆百般阻撓，表弟最後還是跟白家千金秀英入洞房。
這段是何公子為此事跟媒婆爭吵，對話非常淺白俚俗，卻生動有趣，一般民眾都能領會，甚至哈哈大笑。
對話裡還有許多穿越時代的用語，像是用「安眠藥」跟「飛行機」這種古代不會有的東西。用「嘿咻」跟「炒飯」來形容男女間的性事，帶給觀眾一種突兀的趣味。
何公子：奇怪了，討一個餔娘，該花轎去恁久，經過一暗晡，搣麼个屁卵，到這下還吂討轉來。
媒人：害亻厓搣到會死。
何公子：阿尤姐(海陸腔)，今妳搣麼个屁卵，討一個餔娘搣歸暗晡到這下。
媒人：亻厓昨暗晡無睡到天光呢。
何公子：妳無睡？該妳無食安眠藥嗎？
媒人：嗄會做得食安眠藥，食安眠藥會分人扛等走。
何公子：做麼个歸暗晡無睡？
媒人：該堵堵愛拜堂講，bia一下一陣大水，該路崩忒，該花轎過毋得。亻厓想到這西片去，該橋又分水打忒。亻厓想愛請船，麼个船又無行哇。
何公子：毋會請飛行機啊？
媒人：該飛行機哪請得掣。該員外，你丈人老，未來个，硬硬強強愛到厥該拜堂，到該同房，亻厓毋肯你知無。
何公子：麼个，講重點講重點。
媒人：講該暗晡拜堂同房啊，同房亻厓掌歸暗晡，綯等還分佢走落去。
何公子：妳講同房係麼个？
媒人：嘿咻啦，你老弟摎你餔娘嘿咻啦。
何公子：麼个啊。
媒人：亻厓乜當閼呢。
何公子：亻厓做毋得喊太大聲，亻厓後面還有愛做。等下啦，換亻厓講了，亻厓表个摎亻厓餔娘姐嘿咻嘿咻，喔喔喔喔。
媒人：你毋好昏過去喔。
何公子：亻厓強強愛噼腦筋。
媒人：你毋好昏過去喔，亻厓摎你講，亻厓搣到歸暗晡無睡，話又講懶了，後謝錢愛分亻厓喔。
何公子：麼个錢啊？
媒人：後背个錢愛分亻厓。
何公子：喔喔，大大包个愛分妳，妳在這等下，亻厓去拿。
媒人：無亻厓會悿死，無錢，恁冤枉。
何公子：妳姆分亻厓刻，亻厓餔娘分人蹴忒，分亻厓老弟渡去炒飯，妳還愛摎亻厓拿錢。還絕，亻厓吂睡著，就分亻厓表老弟睡去了，這擺亻厓就了多了哪。閼死閼死，火燒褲襠底，當閼，來去尋該白家个員外。
1.搣med2：作弄、舞弄。
2.屁卵pi55lon31：（粗俗語）指沒有道理或根據的事物。
3.丈人老cong²⁴min²⁴lo³¹：岳父。
4.掣cad2：來毋掣，來不及，無法趕上的意思。
5.綯to11：用繩索拴住。
6.飛行機fi24hang11gi24：飛機。
7.噼腦筋biag5no31gin24：中風的意思。
8.悿tiam31：累、疲憊。
9.妳姆分亻厓刻：粗話。
10.了liau31：虧損，例如了錢。
11.火燒褲襠底fo31seu24fu55nong55dai31：火都快燒到褲襠了，形容情勢非常急迫。
