做媒人
【文／薛常威／國立中央大學客家語文暨社會科學學系在職專班碩士生】
在傳統戲曲中，媒婆通常是個喜劇人物，雖然身分低微，但是富於機智而且有著很好的口才，在一齣戲中，常常是靈魂人物。這齣「遊白樓」講得就是媒婆幫殘疾人跟美女做媒的故事。男主角雖然家境富裕而且飽讀詩書，但是生下來即身體殘缺，容貌醜陋。男主角想找媒婆幫忙做媒，媒婆誤以為男主角要的是她，鬧了個笑話。這裡還有一個把「先金」誤以為是「神經」的諧音相關笑話。
媒人：腳又跛跛，目珠又太小隻。毋係，該愛共下睡，報紙愛面揞等，正睡得著。
何公子：毋係毋係毋係，妳神經病係無，妳牽𠊎做麼个？
媒人：妳毋係講錢愛分𠊎賺乜。
何公子：錢愛分妳賺啊，毋會爭差啊？
媒人：來去來去。
何公子：愛去哪位？
媒人：來去間肚嘿咻嘿咻。
何公子：該𠊎就 zam55 ze55了哪。哎，妳看𠊎恁樣形，腳又跛呀跛，背囊又揹一隻龜仔，妳想𠊎恁無撿豺，妳恁樣个貨色，𠊎無愛。
媒人：你無愛啊？𠊎無錢𠊎正愛賺你个錢。知無？
何公子：妳愛錢啊，𠊎毋係愛妳啦，錢分妳賺。
媒人：無講清，害𠊎暢一下。
何公子：𠊎錢分妳賺，該斯摎𠊎做媒人啦。
媒人：實在還發病喔。
何公子：妳還較痴喔。
媒人：該你毋講較好兜仔，害𠊎乜暢一下。
何公子：妳想講妳已豐沛係無，𠊎無愛。
媒人：𠊎摎你講，愛做媒人愛做哪家啦？
何公子：哪家係無？𠊎探聽好了，該白家小姐安到白秀英，生來幾得人惜，妳知無？腰仔就係腰仔，屎朏就係屎朏，妸娜多姿，該若分𠊎蹴著，𠊎減十三年个陽壽𠊎乜甘願。
媒人：該分你蹴著，仰般䟘起來得。
何公子：毋會毋會，𠊎當會蹴。這親事，妳若摎𠊎講成功，𠊎絕對毋會虧待妳。該紅包大大包，𠊎會送妳。
媒人：𠊎摎你講，愛先金。
何公子：神經？
媒人：愛先拿一半錢啦。
何公子：哎呦，訂金啦。實在𠊎無高血壓，無𠊎會僻腦筋。出門三不便，錢多少拿等，錢拿去做所費。事情成功正恁大包分妳。
媒人：該恁樣形，𠊎遽遽來去。
1. 揞等em24 den31：遮著、遮掩著。
2. 爭差zang24 ca24：相差。毋會爭差是指沒錯的意思。
3. 嘿咻嘿咻：借用現代的流行用語來指男女性事。
4. 無撿豺mo11 giam31 sai11：指不挑食的意思。
5. 已豐沛i55 pong24 pai55：很豐盛。
6. 僻腦筋biagno31 gin24：腦中風。
7. 出門三不便：除了大便跟小便，還有手頭不方便，身上沒帶太多錢。
8. 所費so31 fi55：支出的費用。這裡指講親所需的花費。
