熱鬧氣氛的堆砌
【文／薛常威／國立中央大學客家語文暨社會科學學系在職專班碩士生】
客家外台戲演出會根據演員人數的多寡做出靈活隨機的變化，演員少的時候，可以用一答一唱的方式來推進劇情，人數多的時候可以用你一言我一語的方式來堆砌一個主題，這樣可以讓劇情顯得更熱鬧。這一段是賣菜阿義的幾位狐朋狗友用打鬧的方式來讓觀眾知道一件好事，就是把錢丟上船，就可以娶到老婆。
末尾的「搞生趣」一般是用來指好玩的事物，但是用來指娶回家的老婆，就顯得很不尊重，但是這樣俚俗的說法剛好用來襯托劇中賣菜阿義只是個市井小人物。
阿義：𠊎今晡日青菜當靚，拜託摎𠊎交官好無。
甲：恩俚大家無愛。
乙：哪有閒啊。
阿義：無閒？無閒三餐乜愛煮來食啊，著毋著？當無閒就毋使食飯係無？
丙：另外有事情。
阿義：有事情，恁重要係無？麼个事情啊？
甲：嗄毋知，江邊有萬花彩船。
阿義：萬花彩船愛做麼个？
丙：有一個細阿妹仔當靚，擲錢在厥船頂項，該細妹分你擲著，送你做餔娘。
甲：一分錢擲著就做得。
阿義：裝癲，天下間哪有恁好空个事情。麼个細妹仔坐在船頂，分人擲錢，擲著就分你做餔娘。
乙：正經个啊。
阿義：有影無影？
甲：無愛摎佢講，再過講，厥个菜，毋好摎佢買，該瓠仔綿綿，該茄仔又黃黃。
阿義：你个吊菜正綿綿啦。
甲：來來來，無愛摎佢講。
阿義：無愛交官就無愛交官，嫌𠊎个菜麼个意思。
阿義：聽佢恁樣形講，細阿姐分人擲錢，該𠊎這下當思春，做毋得講思春，思春係細妹人講个。𠊎這下當想愛討餔娘，恁樣形好 𠊎來試看下好，昨晡日賣菜个錢還袋等，𠊎乜來擲下，無定著有靚餔娘揇到轉來搞生趣，來去來去。
1. 交官gau24gon24：買賣、消費。
2. 好空ho31kung24：好運或好的事情。
3. 有影無影iu24iang31mo11iang31：有影是指果真，的確是。無影則指不是真的，沒有這回事。有影無影是個問句，真的假的？
4. 綿綿mien11mien11：形容腐爛敗壞。
5. 吊菜diau55coi55：茄子。
6. 思春sii24cun24：指少女對異性的思慕。
7. 無定著mo11tin55cog5：不一定。
