肚屎摎屎窟个用字爭議
【文／范文芳／國立清華大學中國語文學系退休教授】
發音人：范文芳（海陸腔）
一 、教育部主持个客語辭典編輯委員會議決
1.時間： 2020/12/24
2.地點： 中央聯合辦公大樓南棟18樓第20會議室
3.出席人員：客語六腔辭典編輯委員16人，請假2人
4.列席人員： 教育部、客委會、中央大學等6人
5.主席： 曹逢甫
二、 對肚屎、屎窟兩詞个用字投票情形
1. 肚屎：第一輪投票，肚笥6、肚屎13、肚矢1、 肚始9；第二輪投票，肚屎8 肚始8；第三輪投票，肚屎9 、肚始7。
2. 屎窟：第一輪投票，屎胐7、尸胐5、屎窟4；第二輪投票，屎胐9、尸胐5。
3. 決議：客語屁股、肛門都用屎胐，腹部、肚子都用肚屎。
三、同屎、窟相關个漢字，字形字義討論
1.尸，像人屈腿蹲坐之形，意指人死後蹲坐之形，尸下加死成為屍，古時祭儀，有用生人充當死者之習俗，舊時成語有尸位素餐，尸即此義。
2.矢，古文象箭矢之形，史記借為糞便之屎，此為同音通假。
3.尻， 古文象側立之人，標指其尾部，係指事字，遺留猿猴之遺形，現今日語沿用此字，指尾部、屁股。
4.尿，古文象側立之人向前排尿，此為指事兼會意字，華語稱小便，本可充當名詞、動詞。
5.屎，古文象人蹲下排出糞便，糞便形隸楷整齊化為米，此為指事兼會意字。本意係名詞，庶民文化多用為貶抑詞、罵人語。
6.始，字形結構係從女台聲，台念貽聲，意指母懷胎為生命之始，何石松委員建議客語用【肚始】取代肚屎、肚矢、肚笥。
7.窟，古時人居於洞窟之中，窟原指地形凹陷處，字義延伸為低窪之處。
8.胐，從肉出聲，純粹形聲字，廣雅解為腳，窟、胐兩字同音通用。
9.糞 ，古文糞字原來最上頭个米，同屎字下頭个米，原來只係象徵細碎之檅物，其中之田，係其之形變，其象竹編之器，即今糞箕、音變為笨箕。
四、從字音个角度來看
1.客語屎/矢同音式視切，shi/sii陰上調，始音詩止切，客語也係shi/sii陰上調。
2.客語尸音式脂切shi/sii陰平調。
3.客語窟、胐同音苦骨切，聲母為溪，客語音kut/fut陰入調。
五、從客語構詞慣習來看
1.屎指排泄物，像目屎、耳屎、鼻屎、雞屎、豬屎、屙屎。
2.屎指灰燼，像火屎、煙屎、腦屎、鋸屎。
3.屎指低級、屙糟，像屎包、屎棍條、屎糞糞、畢力屎。
4.窟指洞穴，像目珠窟、酒窟｛酒渦｝、肚臍窟、屎缸窟。
六、結論
1.用客語專業人士議決客語辭彙用字，係民主社會个正面做法，比威權政治由官方指定較文明。
2.此次議決，屎胐、肚屎兩語詞，我會尊重。
3.關於屎窟、屎胐兩个辭彙，音同意也同，我建議採用較常用又通俗个屎窟。
