小人物的願望
【文／薛常威／國立中央大學客家語文暨社會科學學系在職專班碩士生】
影片：小人物的願望
客家戲劇裡的丑角通常是些市井生活裡的不起眼的小人物，像這裡的賣菜義。這類人物身分低微，命運悽苦。像阿義的父母親早逝，「爺娘早早就去蘇州賣鴨卵」。雖然很幸運地，父親留下了一分地，他卻不會蒔田，只好拿來種菜。而這類小人物最想有個對象，但是想到自己身分低微，又不知何時才能取妻，只能祈求月老幫忙牽紅線。
本小生，𠊎姓黃，安到阿義，大自家做盡喊𠊎賣菜義。
現下，因為𠊎个爺娘早早就去蘇州个地方賣鴨卵，就降𠊎一個倈仔定定，好得𠊎爸有留一分个田分𠊎耕種。但是𠊎就毋曉得蒔田，毋曉得蒔田三餐也毋好落食啊，著毋著？所以𠊎就摎該一分田，拿來種兜仔青菜，麼个蕹菜高麗菜麼个屁卵就種，種種下，這下天時乜恁好，𠊎个菜乜生著當靚，𠊎去市場賣菜，恁樣形正有賺好落食。
𠊎阿義，轉大人咧。今年算算乜有二十出頭，這下當想愛討餔娘。有人講，有錢無錢，成成愛討一個靚餔娘好過年。該一個餔娘揇等睡目，較贏蓋三領个被骨，著毋著？啊，姻緣天註正，無愛想恁多，毋知幾時月老神仙正會摎𠊎牽紅線。
好啦，莫講恁多咧。自家緊唸，噦噦嘶嘶，無愛講咧。來去摘兜仔青菜，來去市場賣賣下，來去買飯篼仔食。
1. 落食log5siid5：討生活。例：尋無頭路，連落食就難。
2. 轉大人：青春期的意思。
3. 一個餔娘攬等睡目，較贏蓋三領被骨：強調娶妻的好處。
4. 揇nam31：拉近、摟抱。
5. 被骨pi24gud2：以棉花、蠶絲或羽毛等為填充物的被子。
6. 噦噦嘶嘶ve11 ve11 se24 se24：形容人嘮叨愛唸的樣子。
7. 飯篼仔fan55deu24e31：盛裝飯菜的容器，即飯盒、便當。
