關於人過世的說法
【文／薛常威／國立中央大學客家語文暨社會科學學系在職專班碩士生】
這齣外台戲是在楊梅富岡妙靈宮演出，該地區人以說海陸客家話為主，演員為了跟當地觀眾建立關係，在念白部分自動改成以海陸話發音，雖然目前臺灣客家戲曲演出大體以四縣話為主，但是為了迎合觀眾的習慣、喜好，戲班演出的方式仍然具有相當大的靈活性。
對於人的過世，客家話有很多種方式來說明，一般自家親人或長輩過世，常會委婉地說「過身」go55siin24或「百年歸壽」bag2ngien11gui24su55。而「消忒」xiau24ted2，「消胲」xiau24goi24則是比較俚俗，沒有教養的說法。
在客家外台戲的演出中則會出現像「囥泥空」這種很有畫面感的說法，而在本劇中則是用「去蘇州賣鴨卵」來形容自己父母親過世。雖然親人過世是很傷感、禁忌的話題，但是在戲劇的演出裡，演員常會用很通俗話語來製造一些無傷大雅的趣味。
黃公子：
本台，最緣投，最英俊，過瀟灑个小生就係我啦(開始轉海陸腔)。𠊎大人物呢？毋好笑，大名大姓，報分你兜知，𠊎斯有錢人你知無？𠊎姓黃喔，啊毋過，兩隻黃，𠊎自家毋記得了。
內白：
黃雞胗啦。
黃公子：
儘儘採採啦，𠊎百家姓啦，逐姓姓得到。𠊎有錢人喔，𠊎爸姆降到𠊎，哼〜就一個倈仔定，斯𠊎一隻高射炮。歡喜到無話好講，但係，屋下有錢，百萬个呢？𠊎爸𠊎姆兩儕渡等講愛去尞，愛去旅行哇。去蘇州賣鴨卵，有良心無，放兜財產分𠊎。
講到𠊎个名，上港有名聲，下港有出名。大儕家看到𠊎會著驚，因為𠊎 大有錢，人又生著緣投，到這下，唉，食恁大人，吂有討餔娘。心肝七下又八上，阿哥阿嫂，𠊎無講你無了解。𠊎暗晡頭睡目，硬硬、硬硬。毋係啦，蔫蔫啦，敗勢，講毋清楚，一暗晡睡毋忒到天光。這下，有錢愛做麼个，有錢愛哪位使囉，鶴佬人講「屋雞浪」啦，「屋雞浪」斯有錢人。今晡日心肝頭盡鬱卒，想講愛來去街路趖趖下，看有靚細阿妹討轉來做老婆。
黃公子：
喊該隻會豺飯，毋會挾菜个出來啊。裡背肚仔啊，會豺，毋會做事个啦。
1.雞胗gai53kin53：雞的胃。
2.儘採cin24cai24：原意為請示對方意見，如恭請裁奪、請示聖裁，後簡稱為請裁，本為尊重對方之意，後來引申有隨意、隨便之意。
3.趖so55：原意是形容像蟲蠕動一般的爬行，如趖來趖去。這裡趖趖下是指到處隨意逛逛的意思。
4.豺飯sai55pon33：嘴饞、貪吃飯的意思。
