赴京趕考、巧遇山賊
【文／薛常威／國立中央大學客家語文暨社會科學學系在職專班碩士生】
傳統戲曲中，「赴京趕考」一直是很常見且重要的橋段。在過去科舉考試的時代，三年一期的科考是很多讀書人一生中重要的目標，古時交通不便，去一趟京城相當不易，要努力積攢盤纏路費，離別家鄉走上長遠的路途，很多曲折離奇的故事就是繞著「赴京趕考」中發生。客家人屬於漢民族的一支，「赴京趕考」這件事在客家族群中同樣重要。
「赴京趕考」不會一直都順利，各種意外都有可能發生，天災，妖魔鬼怪，離奇的豔遇，甚至會遇見山賊打搶。而這些意外的出現，給劇情帶來張力，也給觀眾帶來觀戲的樂趣。以下這一段就是主角赴京趕考的黃俊生意外遇到被山賊搶劫的宋朝太子趙金龍、公主趙金娥，靠著自身的武藝打退山賊，救下他們，最後卻才發現自己竟然誤了科期。
俊生：自從𠊎黃俊生離開了家中，別了賢妻，愛到京城前去赴科期，緊行緊看，來到此位，山明水秀，鳥語花香，再行幾步。
內白：救人喔。
俊生：仰般恁奇怪，有人聲喊救人？
金龍：救人喔，救人救人。
俊生：發生麼个事情？
金龍：有賊仔，𠊎摎你講。
俊生：有山賊。
山賊：毋好走，毋好走。
俊生：莫非，你就係山賊，看你好手好腳，仰般？
山賊：講麼个山賊毋好聽啦，只不過摎佢拿兜仔買路錢定。
俊生：買路錢啊？
山賊：著啦。
俊生：𠊎聽人講，這就係毋使錢个頭路喔？
山賊：盡簡單，也毋使做麼个，直接用搶个。
俊生：直接用搶个啊？算你較壞運，你今晡日堵著𠊎，聽𠊎个勸，轉去好好興善，你想仰般？
山賊：麼个興善，𠊎聽毋識啦。𠊎摎你講啦，麼儕阻擋𠊎个買賣，𠊎就無放過佢，分佢好看。
俊生：唉伊，正經恁硬頸哇。
山賊：係呀，𠊎摎你講，你毋好三隻鼻公，閒管个啦，閃開。
俊生：你个意思講，𠊎多管閒事。
山賊：著。
俊生：𠊎勸你毋聽，看打。
俊生：算你走得遽，若無，𠊎斯分你肚臍開花。
金龍：蹴走了，蹴走了。
俊生：你平安無事啦？
金龍：平安無事。
俊生：受驚了。
金龍：恁形，驚有驚兜仔。英雄啊，好佳在你來相救。係無，𠊎兩兄妹斯消忒去。
俊生：這件事情，路見不平，摎你幫忙，理所當然。
金龍：有影係啊？該𠊎就問下你喔，你安到麼个名？
俊生：小名小姓，黃俊生。
金龍：你安到俊生係呀，名也盡好聽。𠊎問下你，你一身打扮恁樣形，你愛去哪位啊？
俊生：直接摎你講，因為三年一科期已到，準備愛上京赴考。
金龍：蛤，上京喔？
俊生：著啊。
金龍：嘔吼。
俊生：仰般？
金龍：過忒三日咧。
俊生：蛤？科期過了三日。
金龍：毋係，聽著科期過了三天，𠊎看你目汁流流流流。
俊生：滿腹个志氣，勤讀聖賢，每日練武，為著有官好做，能夠光耀門楣。現此時科期既過，你講，𠊎敢毋會怨嘆啊？
金龍：好好，你吂愛怨嘆，吂愛怨嘆，毋好愁恁多。
1.緊行緊看gin31hang11 gin31kon55：邊走邊看。
2.硬頸ngang55giang31：原指一個人個性強硬頑固，具貶義；後來也指人個性剛硬不屈服，具有褒義。
3.三隻鼻空－閒管sam24zag2pi55kung24－han11gon31：人只有兩個鼻孔，第三個就是多餘的閒管。比喻喜歡踰越本分，插手或過問不是自己的事。算是一句師傅話。
4.消忒xiau24ted2：死掉。
5.流流流流liu11liu11liu55liu55：本來是形容水在地上或牆上不停流淌。這裡形容淚水不停地流。
