謙虛細義个客話用詞【抽閒】
【文／范文芳∕國立清華大學中國語文學系退休教授】
（海陸腔）
范文芳教授 聲檔 — 謙虛細義个客話用詞【抽閒】
ㄧ、 相當於華語抽空、專程、熱心等用語个客家話
1. 細義、功夫、有心等禮貌用詞，係台灣人常用个客氣話。
2. 抽閒，係台灣客家人常用个禮貌用語。
3. 此謙虛、客氣个用語，不宜自家講出，須由他人出口稱讚。
4. 抽閒个客語發音係｛chiu kian｝。
二、閒字个字形、字義
1. 就漢字个靈活通用來講，間、閒、閑三字歷來都可通用。
2. 古早居民用簡樸个竹策、木柵為門，日間有日光透入，夜晚有月光從縫隙中照進來。
3. 間、閒、閑三字都係會意字，閑指木門，間指日光從門縫進來，閒指月光從門縫進來。
4. 間、閒、閑三字意符相同係【門】，字音相通，字義可互通。
5. 從字義个延伸來講，本意指空間之縫隙，延伸為時間之間隔，再延伸為心思个放鬆。
三、從辭彙結構來看抽閒
1. 抽係動詞，閒係名詞，抽閒係動賓式合意詞，辭義係指從忙碌个生活步調中空出一段時間，專心做某事情，抽象語意係表達某種誠意。
2. 華語專程、台福語專工，都屬偏正式合意詞，華語抽空一詞，屬動賓式構詞，同客語抽閒結構相同，語意也共樣。
四、從字音結構來討論閒字
1. 牽、遷、虔三字，客語發音都符合｛kian｝，毋過，考慮著字義、詞意，就發現此四字皆不合意。
2. 間、閒、閑三字，都可以表達時間、空間、心情个片段、空隙，在語法上，都可擔任動詞【抽】个賓語，詞性都係名詞。毋過，就字音來論，間｛gian｝，閑、閒同音｛hian/han｝，都摎客語習慣用語｛chiu kian｝發音不合。
3. 抽字，在客語習慣語法上，字形、字義、字音都符合，閒字在客語習慣講法上做為名詞賓語上，詞意、詞性皆合。
4 漢語語音个歷史演變摎方音差異，提供我等另外一種解釋，古聲母【見】【匣】同屬牙喉輔音，如溪字，台華語音｛si｝台福語音｛ke｝台客語有兩音｛hai｝｛ke｝。
5. 客語習慣用語【抽閒】，發為｛chiu kian｝，正係正確个語音。
