2019客家流行音樂大賽叁獎最佳作詞《(亻厓)愛轉來了》
【圖、文／轉自Youtube】
作詞：范宸菲作曲：范宸菲主唱：范宸菲
希望 從來毋敢認真希望記憶肚項 當遠个記憶送(亻厓)離開个該隻目光 帶欸一息失望
慣了 毋多知仔 就慣了分開相揇 愛當輕當淡做毋得分悲傷出現 做毋得分目汁出現
做毋得分你看見(亻厓)毋希望分你看現現
時間 慢下來啊(亻厓)愛轉來欸 在未來有閒欸該日時間 慢下來啊(亻厓)煞猛等為著未來有閒个每一日上擺你問 下二擺 哪時正轉上擺又係麼个時節了啊(亻厓)記得(亻厓)講 有閒就轉來 有閒就轉來
時間 慢下來啊(亻厓)愛轉來了 在未來有閒欸該日時間 慢下來啊(亻厓)煞猛等為著未來有閒个每一日
請你等(亻厓)堅心行轉來个(亻厓)希望該日 分你聽到(亻厓)講希望該日(亻厓)愛轉來了(亻厓)講 做得恁樣講
時間 慢下來啊(亻厓)愛轉來了 在未來有閒个該日時間 慢下來啊
(亻厓)煞猛等為著未來有閒个每一日
