中央大學電子報

在古代，不單是客家先民，特別是那些富裕階級的男性，是可能有兩個妻子的。而根據婚配的早晚，有妻妾之分，華語稱正室跟偏房，客家話則是分成「大婆tai55po11」跟「細姐se55jia31」。而兩個女人的相處方式，爭寵或爭奪權力向來是好事者感興趣的題材，也常常設計成小說或戲曲中有趣的橋段。

以下這段藉由細姐公主跟一位大婆奴僕的對話來表現前人對大婆細姐的權力地位的認知，也在對話中展現了客家話才有的諧音相關的笑科。



奴僕：主人啊，主娘啊。明明就…(看到公主金娥坐著)唉喲。

公主：入山看山色，入門愛看人面，一仙恁大仙坐在這，無看著。行來又走去，你來這做麼个？

奴僕：毋係講做麼个？𠊎行落來有看著妳，恁靚个觀音娘娘，觀音娘娘會講話喔？

公主：你問𠊎个身分係無？𠊎摎你介紹一下仔，𠊎就係一國个公主，趙金娥。

奴僕：喔〜摎𠊎主娘共下公家老公就係妳喔？

公主：你講麼个？𠊎摎人公家老公？

奴僕：著啊。

公主：喂，你係麼儕？麼儕摎你講恁樣个話？𠊎係公主，仰會摎人公家老公？

奴僕：𠊎自我介紹，𠊎係黃俊生个天公爐啦？講較難聽，斯係佢个奴才。

公主：佢个奴才係無？你這奴才，走這位，想愛做麼？

奴僕：尋𠊎主人主娘啊。

公主：你主娘啊？後花園所在做個奴才，在該做事。

奴僕：麼个東西啊？𠊎主娘就係大婆，妳係細姐，恁樣作法毋著。

公主：大婆無權力，細姐交鎖匙。

奴僕：交鎖匙也交當久了。𠊎坦白摎妳講，𠊎主娘就係正餐，妳係點心，妳甘𠊎主娘去做麼个啊？

公主：做奴才啦。

奴僕：做奴才喔？無愛摎妳計較啦。妳吼，靚係靚啦，拉尿得人驚。

公主：你講𠊎麼个啊？

奴僕：𠊎講靚係靚，拉尿得人驚。

註：
　　入山看山色，入門愛看人面：與「入門看人意，上山看山勢」同意，上山要看山的形勢，到別人家要看主人的意思，意指到任何地方都要注意周遭環境。

　　公家guŋ24ga24：屬於大眾、公眾的。

　　奴才nu11coi11：指僕人。做奴才zo55nung11coi11是指做個奴才。「奴」可以唸成nu11或nuŋ11。

　　大婆無權力，細姐交鎖匙so31sii31：是說大婆沒有實權，掌管家門鎖匙的細姐才有真正的權力。

　　靚係靚jiaŋ24啦，拉尿得人驚giaŋ24：是諷刺女性，外貌長得美麗，但是內心，個性很討人厭。靚jiaŋ24跟驚giaŋ24是個諧音相關的笑話。