你讀入个世界
【圖／李岳哲；文／邱一帆／國立中央大學客家語文暨社會科學學系客家研究博士班】
好天時，日頭晟照，白雲飛過，大樹做伴，涼風吹來。
草坪項坐等煞猛讀書个你，敢有試著地泥个鬆軟？青綠个大樹，敢有為你遮涼？好搞个白雲敢有偷偷仔看你？還係你實在忒認真哩！一息就無感覺，全全跌入吔你讀个書裡肚个世界？
日頭幾晟、白雲幾靚、大樹幾青、涼風幾涼、草坪幾爽，根本，就無在若个世界裡肚！亻厓在這位緊看緊愐，你讀入个世界定著比你這下讀書个地方較贏加算毋揫个靚。亻厓淨做得恁樣愐、恁樣講，因爭亻厓毋係你，你也無可能摎亻厓讀入若个世界。
（四縣腔）邱一帆老師 聲檔 － 你讀入个世界
