關於烏字个討論

【文／范文芳∕國立清華大學中國語文學系退休教授】

 

ㄧ 、象形字摎指事字

　　1.鳥、隹係象形字，用線、點描畫出鳥類个外型、羽毛、目珠。

　　2.烏係指事字，暗指鳥个目珠仁摎全身羽毛全係烏色，故所將目珠仁省略。

二、字意个演變

　　1.烏，本指烏鴉，係名詞，在台灣山區，尤其係河谷，常見巨嘴鴉。

　　2.烏借指顏色，係名詞，台語指烏色，華語指黑色。

　　3.烏轉為形容詞，指烏色个、黑色的，台福語天烏烏，客語天烏地暗，烏社會。華語烏漆嘛黑。

　　4.烏借為動詞，摎污同意，台語謂抹污、抹烏，華語稱抹黑，藉政商關係謀取利益，台語謂烏錢。

　　5.客語有特殊个用法，語法上係動詞，火熄滅，客語稱【火烏忒】。

三、漢文化對烏鴉个特殊看法

　　1.將烏鴉看成慈鳥，【慈烏夜啼】，烏鴉有【反哺之恩】。

　　2.民間習俗認烏鴉為不吉祥之物，【烏鴉嘴】係指講出真實但不吉利个話。

　　3.現代生物學的分類，台灣藍鵲、烏鴉、樹鵲、喜鵲都係鴉科鳥類。

四、字音个討論

　　1.台華語【鴉】【鴨】同音，【雅】也同音不同調。

　　2.台語，不論福老或客家，三字皆不同音，鴨音｛ap｝，雅音｛nga｝，鴉音｛a｝。

五 、從香港反送中事件得著个聯想

　　1.香港地名來由，十七、八世紀，此地係輸出檀香个重要港口。

　　2.香港个羅馬拼音HONG KONG並非中國漢語拼音XIANG GANG。

　　3.香港人今天還係習慣講母語，包含行政官員、警察、記者、青年學生。

　　4.香港青年學生，還係習慣用繁體中文書寫。

　　5.香港人保留舊地名｛鴨寮街｝，路牌寫做｛Ap Liu Street｝。

　　6.香港有銅鑼灣地名，也有出版眾多對中國採取反省、批判言論个銅鑼灣書店，負責人林榮基現已逃亡到台灣。

　　7.台灣用灣為地名，專指水灣，係名詞，不同於形容詞个彎，華語彎、灣兩字同音同調，台福、台客語相同，彎係陰平調，灣係陽平調。

　　8.台灣客家人，也歡喜用銅鑼安地名，苗栗有銅鑼鄉，桃竹交界處有銅鑼圈，竹苗交界處有大銅鑼圈、細銅鑼圈。

　　9.新竹有內灣，海陸腔音｛nui33van55｝，苗栗中港溪有三灣，四縣腔音｛sam24van11｝。

　　10.台灣，華語音｛tai13wan55｝福老語音｛dai13wan13｝竹客語音｛toi55van55｝苗客語音｛toi11van11｝。

（海陸腔）范文芳教授 聲檔 — 關於烏字个討論





　

▲BACK