卓也小屋

【文∕薛常威∕國立中央大學客家語文暨社會科學學系在職專班碩士生、圖∕羅金珠】

 

　　苗栗三義个木雕工藝當有名，毋過穿過鬧熱个木雕街，較落去就係當靚、當恬靜个客家村莊。在這位有一間當有特色个，盡像早期農家个「卓也小屋」。

頭家其實係一個學老人卓銘榜，因為佢姓卓，大家就喊佢卓仔，故所佢就摎店仔安到「卓也小屋」。在這莊下地方个山項，佢兜人提供民宿，做得分人客戴這位歇睏尞一暗晡，享受大自然个恬靜摎好空氣。這位乜有一間當好个餐廳，提供養生蔬食、五榖五蔬、隨等節氣變化來煮食，健康又養生。食材大部份來自自家菜園，無就鄰近个農家。


　　正月初一，寒風呼！呼！呼！面烏烏个年，揹一隻乾坤袋，踏等北風个腳跡印從北極出發，向南行過西伯利亞、行過雪个故鄉。佢愛去海上蓬萊仙島，半路堵著一隻細老虎。


　　這片還有一項特色品牌「卓也藍染」 。在藍色化學染料出現以前，藍草係當重要个原料，該當時台灣个藍草品質好、產量又多，做出來个藍色當靚，係當時第三大个出口產品。該下台灣有當多个藍染工廠。背尾因為化學染料出現个影響，藍草摎藍染一下仔就無淨淨。


　　創辦人鄭美淑摎先生卓銘榜想講，藍染係恁好个傳統工藝，佢兜斯想摎這產業復興起來，就開始在三義這片買地種藍草、開染工坊、經營民宿摎專賣店，開創出自原料、加工到成品銷售產業一條龍个方式。

「卓也小屋」，這下毋係單淨做民宿摎餐廳定，乜有產品、分人客做藍染个體驗，創造出新个「卓也小屋」，做到產業个提升，乜看得到永續。

「卓也小屋」 在三義增加當多个就業機會，乜分後生人毋使走到大老遠去外地打拼，做得留下在自家个故鄉𢯭手。

下二擺經過三義，記得毋係單淨木雕定，三義還有這間「卓也小屋」當好尞。
（四縣腔）

薛常威先生 聲檔 — 卓也小屋

▲BACK