漢字【用】个詳細討論

【文／范文芳∕國立清華大學中國語文學系退休教授】

 

　　話頭 漢文化係務實个文化，台灣客家人還承傳裡種務實个價值觀，日常生活中遇着價值判斷時，經常會問【有用無】？今下，我試用現代語言學个角度，來對【用】字，做一擺較詳細个討論。

ㄧ、漢字從紀元前大約2000年時，已經穩定成形，就係學術上講个｛甲骨文｝，後來有演變，就係學術上講个｛鐘鼎文｝、｛篆字｝、｛隸字｝、｛楷書｝，一直延續到西元後1950年，中國推行漢字簡化同漢語拼音，台灣還保留繁體漢字个書寫習慣。因為電腦打字盡方便，毋使受著筆畫多少个影響，故所還保留漢字个本色。

二、【用】字个幾種講法
1.《說文解字》：可施行也，从卜从中，會意字，中兼表音。
2.《漢字源流字典》：骨版上已有卜兆，可據之行事。北京華夏出版社。
3.《玉篇》：甬，鍾柄也。
4.《常用古文字字典 》：鍾之省，上有掛鉤，借為使用意。王延林。
5.《細說漢字》：木、竹編製之圓形容器，即桶之初文。因用途廣，借為使用意。左民安 北京九州出版社。
6.《漢字原來這麼恐怖 》：用為容器之象形，即桶之初文，用上加握持之把手，即為甬，可順暢流行之路為通道。日文用、甬、桶、俑皆同音｛yo｝。小山鐵郎 台北 漫遊者出版。
7.《漢字樹》：認為周、甬、勇、庸、通等字都係田个衍生字，本意為田間之供水孔道，【周】意指充分規劃利用每一塊土地耕作，才能使人民飽。廖文豪 台北 遠流出版。

三、用字个延申語意
1.最早字意名詞甬之初文，竹桶寫做【筒】，木筒寫做【桶】，可流通之路稱【甬道】、【通道】。桶狀之人偶又稱【俑】。
2.轉換字意名詞，用途。有用、無用係常用个詞語。
3.延伸字義動詞，使用，用講、用行、用錢係常用个詞語。
4.假借用法連接詞，古時文言文，史記李廣列傳｛用善騎射---為漢中郎將｝，用字有｛因為/由於｝个語意。

四、用字个字音
　　依據廣韻个反切標音來看，用字余頌切，韻攝係通攝，凡係从用得聲个字，平聲字像通、庸、傭、慵、墉，上聲字像桶、俑、甬、湧、勇，去聲字像用、痛，都係通攝字，可見當多漢字用著【用】做為聲符，組成字義相通个形聲字。

五、感想
　　用現代人文科學个方法，做得對傳統个漢字增加更加詳細个解說，當然也應該充分利用到客語个用字方面，毋過，對一般客語使用者來講，對一個較少爭議个字【用】，做很｛an｝詳細个討論，到底有用麼？或者，該係我｛ngoi｝個人个興趣？


（海陸腔）
范文芳教授 聲檔 — 漢字【用】个詳細討論

▲BACK