三隻外形相近个漢字 无、旡、簪

【文／范文芳∕國立清華大學中國語文學系退休教授】

 

1 【无】係無个古字，【無】【舞】本來係一儕人，手拿枝葉，手腳搖擺、跳舞个意思，後來借做否定詞，古文【無】【亡】往往通用，近代【无】係【無】之簡化字。【旡】係既个古文，本意係指人食飽之後回首曀氣打嗝，在甲骨文時代，【旡】摎【欠】字形相近，旡係回頭曀氣｛打嗝｝，欠係張口吐氣｛打哈欠｝。旡在說文解釋為｛飲食氣逆不得息｝，後來引申為｛已經｝之意。【簪】字在古文字只寫中間个兩個【旡】，毋過，兩個旡字中間該筆愛出頭，本來係象形文，描寫成年男女頭髮上之裝飾，現代寫成【簪】，其上加竹部，係泛指竹製之髮簪，杜甫詩句｛渾欲不勝簪｝正係此意。

2 就字音來講，无台華音｛wu｝台福音｛bbu/bber｝台客音｛mo｝，旡台華音｛ji｝台福音｛gi｝台客音｛gi｝，簪台華音｛jan｝台福音｛jam｝台客音｛jam｝。

　　因為台福、台客語多保留漢語中古音，因此无、旡、簪三字，可做見證。

3 就語法來講，無多用做形容詞，後接名詞，像无情、無錢、无時間、無頭路。

　　旡多用做副詞，後接動詞/形容詞，像旡高且大、既來之則安之。

　　簪多用做名詞，意指髮簪，轉做動詞時，像簪上一蕊花。

4 用漢字書寫台語，基本上應該符合台語个語意、語音同講法，在牽涉到漢字个 音、意時，還必須遵守漢字个古文字學个字形、字音，還有字意个本意、延申意摎假借意。

5 順便一提，客話書寫同福老話書寫可以同步進行，我建議在使用形容詞【無】時，字形、字義共樣，只係字音有別，用在句尾疑問語氣詞時，台華、台福、台客三語可共用【麼】字，只係發音有別，台華語音｛mer｝台福語音｛bber｝台客語音｛mo｝。下背用一句為例：

這樣子說對麼？台華語

阿呢講著麼？台福語

裡樣講著麼？台客語


（海陸腔）
范文芳教授 聲檔 — 三隻外形相近个漢字 无、旡、簪

▲BACK