無共樣个中大湖

【文、圖／葉亭㚬／國立中央大學客家語文暨社會科學學系客家語文研究所碩二生】

 

　　有一擺 捱同朋友打嘴鼓，講著五月節。

　　還記得細个時節，哪會去了解五月由來也無想過係麼總知五月節到了，會放尞、有當多好食个粽仔還划龍船比賽做得看。

　　每年五月節，捱婆會包粽仔 ，粽仔裡背肚有當多料、當香、當好食，所以捱當好食粽仔。每年五月節，最歡喜个事情，斯有當多粽仔好食。有幾擺阿爸還帶全家人去看划龍船比賽，湖脣有當多圍等同个隊伍加油也做得同家人揣一下係麼儕先搶著旗仔。

　　過恁多年了，這下屋个細人仔都大也毋會去湖脣看比賽。

　　講了捱屋下个情況後，斯問佢屋下係仰般過五月節个？佢講屋下無特別過五月節，可能在屋下食粽仔、看電視轉播划龍船比賽。講到一半佢斯想著一件當生趣个事情，幾年前佢自家發。

　　有一年五月節前，佢讀大學个時摎幾個朋友想著除忒食粽仔還做得麼个呢 ?粽仔年都食得著，划龍船斯看電視裡背个人搞恁樣當無意思！若係俚做得共下划龍船，毋知幾好搞了。過想啊斯算因為無湖也龍船，愛仰般搞呢？

　　過幾日，佢兜經學校个中大湖，想著：俚學校有恁大个湖，仰會做毋 得划龍船呢？想啊，湖有了毋過兜愛去哪位尋一條龍船來划？這種東西係五月節這央時正會在電視肚看著个船，俚又無，愛仰結煞？恁樣形斯放棄啊？當憂个時節，有同學摎 佢兜講：「無龍船斯尋別个好了啊，做麼 佢兜講：「無龍船斯尋別个好了啊，做麼 个一定愛龍船呢？做得划，斯了啊。」想也對無正做得划龍船啊！

　　　　最後大家決定去買兩條充氣个船。這毋單淨俚做得自家搞，還得舉辦一個划龍船大賽！

　　做家共下來尞，恁樣毋係當生趣過幾日，船買轉來了佢兜斯趁天時好个暗晡 夜，帶等兩條充氣塑膠船偷匿行到湖脣，準備試看。無人也麼个光暗摸胥疏仔當恬，毋過大家都當緊張又歡喜因為第一擺划船無知會仰般？跌到湖肚無？會分人罵發生麼个事情帶等七上八落心。大家兵挷齒扯準備好勢，斯共下將船放到湖肚。有兜人企在脣等幾儕上了一開始，大家都無經驗毋會划船斯在湖肚緊轉圈知仰結煞好急到歸身汗。試了幾擺，經過一陣努力最後控制方向做得想划去哪斯大家斯 放下心中个大石牯。划船个時節，還有魚仔跳出水面！大家都著驚一下過一下斯互相笑對方仰會分魚仔嚇著呢？最後，划到湖中央大家都滿身汗，斯在船項睡等，正抬頭，斯看著星仔滿天囁啊囁，大家共下發出驚嘆：仰會恁靚！還記得該央時，天無會當熱有清風吹啊來鬆爽。

　　過幾日，大家斯去學校登記愛借中湖來舉辦划龍船比賽。招自家个朋友共下來划龍船，還記得最後有二三十儕報名參加比賽倆人一組，共下划船轉中大湖一圈看麼儕用个時間最少斯係頭名。後比賽辦到當圓滿，大家乜搞暢。

　　經過這擺个活動，捱朋友講，五月節，毋單淨係五月節、中大湖乜毋單淨係中大湖了，對佢來講五月節个有特別回憶該日暗晡夜睡在中大湖个央，天空又闊靚、有朋友共下做這兜特別事情家參加个比賽。

　　有恁樣形回憶，平凡人生感覺斯一點無共聽了佢个故事，捱當羨慕這種人，想著麼个，斯去做麼个，堵著問題，斯想辦法解決，人生苦短有夢斯愛煞猛去做你無知天光摎事故哪個會先到。有時，人當無膽做事情會想忒多最後麼个都毋平凡生斯愛做幾件瘋狂个事情，恁樣人生正會特別到老時節有兜無共樣个事情，做得同人譫哆。

　　恩俚个學院，在中大湖脣每日上課斯會經過。係一個當好个位所，風景當靚、還有當多花草、動物。平時，捱當好坐在湖脣，看鴨仔摎鵝、看湖脣个樹開花了吂天空有時會人在做麼？都毋想，斯在該發琢愕。無聊个時節會算一下湖肚到底有幾多隻鴨仔過，長透在該想中大湖這位恁久了係毋有當多人發生麼个特別个故事？這兜人係毋長大了、有家庭，還會帶等佢細轉來看啊，同細人講，阿爸姆頭擺在這位發生麼个特別事情。若毋係捱朋友同捱講恁生趣个故事，捱乜毋知，這位識發生恁樣个事情，毋知中大湖其實乜有他無共樣个面貌。

　　中大湖對無共樣个人，也有感情摎想法。假使你實在做過麼个瘋狂事情，你 乜做得坐在湖脣，發琢愕、看風景。也做得摎人打嘴鼓，問佢有做過麼个特別事情無？俚乜做得聽別儕發生个事情來豐富自家个見識。


（海陸腔）
葉亭㚬　聲檔—無共樣个中大湖

〈無共樣个中大湖〉得獎感言
成為客家學院的一員後，我最喜歡的校園景點之一，就是中大湖。

每每坐在湖邊，總能感受中大湖的不同面貌，夜晚無人時的恬靜、白日生氣勃勃的熱鬧、下雨時煙雨濛濛還會伴隨幾聲鵝鴨的粗嘎叫聲，每種面貌的中大湖都令人著迷，所以此次的客語文學獎，我以中大湖為主角，創作了作品。

很感謝有這樣的機會能讓我們以母語進行創作，也期望未來有更多人能加入客語創作的行列。

▲BACK