寶來客讚青來坐五月二十號特集个心得

【文／劉揚義／國立中央大學客家暨社會科學學系客家語文碩士班碩二生】

 

今晡日係五月二十號，暗晡夜閒閒無事情，就打開國立中央大學優秀个寶姐李珊伶撈寶弟涂世宗所主持个寶來客讚青來坐，這一集都好請到國立中央大學客家學院客家語文碩士班二年生个江依亭，佢係從國立台灣戲曲學院畢業个傑出校友，人生如戲，戲如人生，套在佢个身項上係絕對毋會無毋著个！遽遽去聽這集會有麼个新奇个地方溜。
江先生係有戲曲12年經驗个人，講起話來高低起伏，別有一番風味，發音乜盡標準。佢會入到客家戲曲係受到表姊个影響，雖然佢講自家還細時節毋知這會恁辛苦，愛考試讓做得落去，不過這條路行乜行盡久哩，聽到這感覺到佢係一隻盡認真个人，成功个背後乜抑辛苦，做戲个人盡無簡單。
經過江先生个說明，一般人係從山歌採茶戲開始接觸客家戲曲，頭擺人賣東西个時節讓會做表演分大家看，久了就有這下个客家大戲。
毋過奇怪个係，江先生仰般會來這客家學院讀書哩，原來係受到一隻先生个影響，佢撈江先生講客家戲曲撈其他戲曲無共樣个地方係佢語言个珍貴，所以讓有這下个江先生。

劉揚義音檔 — 寶來客讚青來坐五月二十號特集个心得

▲BACK