五十過目關

【文／羅肇錦∕中央大學客家語文暨社會科學學系榮譽教授】

 

過目關个歲數：目花花 瓠仔恅著菜瓜
堵到一个會同人換目珠个神醫
佢問：愛換麼介目珠？
崖問：現下流行麼介目？
佢講：後生人較多換貓眼 暗夜做得上網
崖想：過目關个人還愛半夜上網會搣死
崖講：崖還係換狗目珠好了
無想著 換了狗眼 續有反症：
第一：吾个朋友走淨淨……狗眼看人低
第二：見擺食酒 無電線頓就毋曉轉屋……尋無位所屙尿
過一暫仔 崖又去尋神醫
崖講：同崖換過魚目珠好無？
佢講：做麼个愛換魚目珠？
崖講：用魚目珠生活 日仔較好過……魚目混珠
心肚想，這擺就好勢了，到死就無使過換
奈知 人算不如天算 換了魚目珠後：
每擺聚餐 一杯就醉
了後 越啉越多越清醒
這就安到：近海知魚性 近山識鳥音
真係魚呀 真係愚
真係珠呀 真係豬


羅肇錦教授聲檔－ 五十過目關

▲BACK