驚山

【文／羅肇錦 (國立中央大學客家語文暨社會科學學系榮譽教授)】

 

 

去到一个無去過所在，會感覺「驚山驚山」，堵著當多無熟識个人个場所，愛你同大家講幾句場面話，乜會感覺「驚山驚山」。這就係驚山盡原始个意義，無過真多人就會認為，做麼个堵著「無去過所在」「無熟識个場所」會驚「山」，
這個「驚」同「山仔」有麼个關係？去翻台灣以外个客話辭典也無「驚山」這隻詞，可見台灣客家界講个「驚山」險怕係「驚生」發音無正，「生」（sang）走音變「山」（san），故所 「驚生驚生」變到「驚山驚山」。
可見客話「驚生」正著，「驚山」係講走音所變成个。毋過，个「驚生」又樣仔來个呢？涯想這就盡簡單答案就出來了。「驚生」應當係 「驚生份」簡化過來个，逐畬人就共樣，去到一个無去過所在，也係堵著當多無熟識个人个場所，定著會感覺「驚生份驚生份」，驚生份就會緊張、會拘羞、會細意，故所細人仔較少去無去過所在，較少堵著當多無熟識个人，自然就較會「驚生」。个當然，各人个性格無共樣，有兜細人仔天無驚地無驚哪會驚生份，有兜人七老八十了，喊佢在大眾面前講幾句話定定，就還驚生到講話剔剔突突，無知愛樣仔正好。

    總講一句，客話个「驚山」就係國語个「怕生」，「第一擺參加演講比賽个人，差毋多就會驚生驚生，緊張到一身大汗。」翻成國語就是「「第一次參加演講比賽的人，差不多都會怕生怕生，緊張得手心出汗。」所以客話「驚山」無別種意義，就係國語个「怕生」。

 

驚山__羅肇錦教授聲檔

▲BACK