肯做牛，毋驚無犁好拖

【文／豆漿】

 

「牛」對捱等客家人來說，係最好的朋友，因為佢煞忙、打拚，農家都對佢抱等感謝个心。故所有人講，做農个做不得食牛肉，因為牛仔為了農家打拚一生，不管係大日頭、下大雨、吹大風，佢都會乖乖跟著主人共下做農，就像老古人講：「食人一口，還人一斗」來表達對牛仔感謝。
這幾年來，失業問題緊來緊嚴重，有盡多人尋毋著頭路，也有盡多人毋知愛尋麼个頭路？乜有盡多後生人嫌錢忒少、工作辛苦，肅清在屋下尞，就恁呢，一日一日過，毋知愛仰結煞？愐起老古人講个：「肯做牛，毋驚無犁好拖」這句話，一息就無爭差；頭擺客家老祖先，為著生活、為著後代子孫，一路對中原到台灣，開山打林、開埤作圳，佢等就係肯做，面會有今晡日个台灣客家人。
記得還細个時節，先生講了一个故事。有一个在世界上盡有名个公司要請員工，吸引了很多盡優秀个人來面試，佢等被請到一个房間等，每一个人就開始講自家學歷有多高、能力多好，這時節，有一个聲音就講：「有誰做得同捱幫忙整理房間嗎?」大家一看，原來係一个老人家，大家看來看去，無人講半句話，這時節，有一个後生仔行過去，請老人家坐到唇口休息，自家拿起掃把，惦惦同房間整理的乾乾淨淨。等到面試結束，這時節，公司个總經理才行出來，原來就係个老人家，佢淨讓个幐手整理个後生人錄取，因為佢係在按多優秀人才裡面，唯一一个願意幐手整理个。先生說，除了這後生人善良个心，最重要个就係佢肯做，不怕辛苦、不怕比別人多做一點，當然，機會自然比別人多一點。
捱一直記得這个故事，希望自家做得成為一个對社會有貢獻个人，捱雖然無像別人有按好的能力，但係，捱會盡心、煞猛去學習，先生交代个事情都盡力去完成，先生還講因為讀書係知識个基礎，人說「三日無念口生，三天無做手生」讀書係做毋得三日打魚兩天曬網，鼓勵捱煞猛讀書。到了高中，捱不只成績越來越好，還有因為每日都去圖書館幫忙整理，乜看了很多个書，學習到更多的知識同經驗，增加自家个實力，做得代表學校參加比賽。到現下，捱還記得个時節先生講的故事，只要肯做、肯學習、不怕辛苦，有一日定著會有收穫，就像老古人言講：「肯做牛，毋驚無犁好拖」只要肯做，就一定會有成果。
現在，算來算去，很快的，捱乜到要畢業个時節，要出社會尋工作，現下有很多公司都講22K，講後生人就驚錢太少做个事情太多、太辛苦，一個一個都在挑工作，挑到最後煞變成在屋下做啃老族。捱還係記得先生講个故事，捱相信只要捱肯做，定著會有機會的。

▲BACK