【文／戴宏興 (國立中央大學客家語文研究所101年新生)】
「客家月」創世紀頭暗哺、2012四月初六在龍潭鄉「客家書院」開鑼起鼓，曾新蔘先生邀請國立中央大學客家學院，羅院長 肇錦博士。演講兩點鐘个「客家詩詞與生活文化」。轟動各界、座無虛席，有旁聽者眾多企在門外。
教授客家智慧幽默、精彩豐富，比方講「客家生命、民間文學表現、師傅話、猴話、傳統詩舉證」。掌聲不斷，比方講「贛省、吉水、文天祥、被元朝官兵擒拿係在珠江口、海豐、該位河壩唇；正氣歌係在獄卒監管中、研究杜甫、絕句、律詩之後，創新作品，比方：『人生自古誰無死、留取丹心照汗青。』、震撼人心」；比方講、丘念台个尊翁、丘逢甲「離台詩六首」當中『宰相有權能割地、孤臣無力可回天。』；比方講「祭孔聖祝文」，「萬巒、打『頭年醮』祭典、對聯詞」，「延平郡王祠」美不勝收。承蒙袁學姊文華分享「客家月」活動好消息。
吾兄長宏讓、胞弟宏興、學長興宏王先生，三儕人坐共下、細心做筆記、錄音、聽教授講話、直到演講結束。宏興在散會時，感恩行鞠躬禮，面對教授講：「聞君一席話、勝讀十年書」。
