【文／陳韻如 (國立中央大學客家語文研究所研ㄧ生)】
一、花魂
今暗个夜，有幾分憂，有幾分愁，毋知哪位浪漫多情又感性个畫家將大地渲染了一片迷離，孤芳自賞个叢櫻花，砧砧个、斯文个綻放，一陣晚風吹來，ㄧngiab目花謝花飛飛滿天，紅消香斷个時節，有麼該人會去痛惜?
跍下來拈起紅櫻片片，只想 卡一把泥葬花魂。
二、花落个聲音
落糜毛水个下晝頭，行在滿係落英繽紛个小路項，ㄧ下仔，流光就像齒輪樣 毋記得轉動，萬瀨寂靜該時節，忽然傳來一隻聲響，尋音找去，原來係花落个聲音，係結束? 還係開始?
圖片來源：網路http://www.backpackers.com.tw/forum/showthread.php?t=20796
三、單程車票
人生就像火車樣，沒停个在時光肚奔馳，每一儕人都係彼此个過客，有人上車、有人下車，不容大家討價還價，因為每一儕人个手項，卡等一張zem $有戳記个單程車票 ，只有在電光石火个交會肚，彼此留下一ngiab $目个永恆。
圖片來源：網路http://www.soomal.com/doc/20100000865.htm
