【文／陳韻如 (國立中央大學客家語文研究所研ㄧ生)】
南庄鄉位在苗栗縣个東北角，在中港溪个上游，也係中港溪个源流區。人口大約有一萬二千Ｏ人，按照族群來分有客家人、賽夏族人、泰雅族人三個族群，南庄鄉个客家人就佔了全鄉个四分之三，係佔大多數个族群，過了就係賽夏族撓泰雅族。南庄鄉同時也係全台灣最多賽夏族聚居个鄉鎮。客家人、賽夏族人、泰雅族人共下歇這位，呈現了多元文化係南庄鄉个地方特色。
南庄老街主要有三條，其中桂花巷最出名，桂花巷係夾在其中兩條街个中央，行到老街裡个舊聚落，巷弄狹窄又彎曲，屋子都毋大，不過佢个建築儘有古早味道。雖然鼻毋到桂花香，還係喊到「桂花巷」，佢个原由係麼該？原來巷口裡有一家歷史悠久个「桂花巷」麵店，遠近有名。後來為了維護這附近个傳統文化，就將這老街規劃成桂花巷社區，成立了社區工作坊，目的就係為了愛推動營造桂花巷社區个活動。
圖片來源：苗栗政府機關
老街底有一個著名个景點就係水汴頭－洗衫坑，民國４９年曾在水圳上建一座水車發電廠，由於水力發電有限，下游用戶入夜點電火時，常有燈泡忽明忽暗个現象，地方上稱為「點水車燈」。
圖片來源：苗栗政府機關
還有值得一提个是在1935年關刀山大地動時，南庄受創嚴重，當時庄長重建房舍時委由日本人規劃設計，因此將房舍建築成兩層樓木造日式建築，目前存留下來个建築仍保存在南庄街道上，觸目所及就像走進時光隧道个感覺，也興起了一股濃厚个文化感。
