【文／賴振員 (國立中央大學客家語文研究所研二生)】
「有日頭个地方，就有中國人；有中國人个地方，就有客家人。」可見恩兜客家人係遍佈在世界各地，尤其係中國人所歇个所在更多客家人，最少三股佔有一股。客家人不但分佈廣，其歷史更係淵遠流長。若是按照羅香林个主要論點，客家係中原南遷个先民。經過了五胡亂華，黃巢造反，金、元入侵，宋室南渡，清兵入關等五次大遷移，形成了三大支流。輾轉遷徙，從河南、安徽、湖北、湖南然後流落到江西、福建、廣東、或由閩粵隨鄭成功渡海來台，或由經商漂洋到南洋各地，造成了今日各地都有客家人个足跡。
就因為客家人經過這種艱辛遷徙環境，造就了客家人堅忍不拔、刻苦耐勞个特性，使得客家婦女有較多機會從事各種農務勞動工作，也間接製造了學習唱山歌摎對唱山歌个機會，久了就變成了風氣，成了日常生活中不可少个精神寄託，在結婚喜慶酒過三巡之後愛唱山歌，在田肚裏做田事愛唱山歌，在山上摘茶愛唱山歌，閒情也唱，緊工也唱，快樂也唱，痛苦也唱，若是一日沒唱一日就不自在，唱山歌變成了生活个一部份。幾千年來，山歌維繫了客家人个傳統文化，也聯絡了客家人个團結情感。
客家人為了應付險惡環境，自然的就會表現出隨機應變个靈活性，來應付自然生存環境挑戰。男女對唱山歌，即興創作个表現方式，就是這種環境下，迫於現實性格所使然个。所以客家山歌對唱，一直沒有固定个詞曲，信口唱來，因人而異，再加上生活文化背景不同，各地山歌个風格就不盡相同，有兜比較婉轉纏綿，有兜較粗獷豪放，有兜細膩牽聲，各有千秋。但總不離情感豐富，優美動聽，耐人尋味。
