【文╱賴振員 (國立中央大學客家語文研究所研二生)】
看哪，五月介山頭一片雪白，
原來係滿山遍野介油桐花，開到鬧熱煎煎，
花枝隨風搖動，花瓣騰風飄落，
就像係愛縈大齊家講，春天介腳步已經來到嘍！
你兜儕再各看哪，灑落滿地介雪白桐花，
鋪滿了歸介山路，
還有零零吊吊介掛在樹頂尾，搖來搖去，
就像天頂介白雲一樣，騰風擺弄出萬千介姿態，
摎人遐目，
奔人感覺到五月雪花飄滿山介喜悅。
坐看春飛雪，花瓣拂面過，
佢無梅花的冷艷，
也無玉蘭介香味，
不過佢用最燦爛最靚介姿態，飄灑大地，
將歸介山頭點綴到白皚皚，
就像一座雪山一樣按迷人。
