【文／賴振員 (國立中央大學客家語文研究所研一生)】
這裏有四篇伊索寓言，很有函意，試著把它譯成客語和大家分享，並請指正。
金銃魚遶海豚
金銃魚奔海豚追遽，喊 出一陣陣介聲，眼看就會奔海豚捉去介時節，金銃魚趕劇一跳，無想到跳得暢遠，煞跳到坎頂去。緊趨毋放介海豚也謄等金銃魚一跳，共樣也卡到坎頂。該量時，金銃魚轉過頭去，看到賸半條命介海豚講：裡下崖對死也無驚啦，因為崖看到介造成裡種結果介傢伙也撓崖共下死。
狼仔遶羊群
狼仔一心想愛吃忒羊群，不過有狗仔看等，無辦法來偷，心想無用計謀做毋得。故所，渠派 使仔去訪問羊群，講狗讓係渠兜倆之間介壞人，假使做得遶狗仔趨出去，渠兜儕就做得和平相處了。羊群根本就無認清狼仔介惡心，無使考慮就將狗仔趨出去，無狗仔介保護，狼仔就盡簡單介將羊仔全部都吃忒了。
青盲仔遶小野獸
一介青盲仔專精用手來摸各種介動物，麼介動物渠一摸就做得分出來。有介人渡來一條細狼仔，請渠來摸，問係麼介東西？渠摸了摸裡介小野獸講：裡係一條狐狸，還係一條狼，崖分不太詳細。無過有一點崖十分清礎，遶裡種動物落羊欄仔總係不安全介。
獵狗遶狐狸
有一條獵狗看到獅仔，就逐趨上去，該獅仔轉過頭來大聲胲吼一下仔，煞奔渠嚇到勒，滑頭就走。狐狸看到了就講，膽小鬼！吼一聲就驚，你還愛去逐麼介獅仔？
裡故事係講，有兜人，用盡心機來表現自家介強勢，當渠兜人睹到再夠強介，就馬上會奔渠嚇到瀉屎馬來走。
